Sabit yazı
Çox möhtəşəm ay var. Hər zaman belə parlaq görünmür ay. Bəzi yerlərdə şəhər işıqlarını belə basdırır. Ay, mənə qütb ulduzumu da xatırladır. Əslində heç vaxt unutmuram. Amma ayda da sanki əksini görürəm. Bəlkə də mən yansıdıram. Hər bir halda aya xüsusi maraq və sevgim var. Ancaq bu gecənin mövzusu ay deyil. Ay qədər dəyərli, bir o qədər də diqqətdən kənarda qalmış uşaqlıq xatirələrimdən süzülən bir … Çəyirtkə oxumağa davam et
Sabit yazı
Təhsilin əlçatan olması bərabərində imtahan anlayışını da gündəlik qida rasionumuza daxil edib. Hər gün kimsə imtahan verir, kimisi kəsilir, kimisi balı az oldu deyə, kəsilənlərin onu sakitləşdirməsini gözləyir, digər kəsim isə bu imtahanlardan keçməyini şad-xürrəm qeyd edir. Daha fərqli bir kəsim də var ki, onlar verdikləri imtahanı o qədər də düşünmür. Ona görə nə ona görə ağlayır nə də özlərini sevinmə haqqı görürlər. Azərbaycanlılar olaraq … Həyəcan imtahanımız oxumağa davam et
Sabit yazı
Axşamdır, hava hələ indi qaralır. Ən sevdiyim vaxtlardır. Hava dumanlı və çiskinlidir. Səhər yağıb, ara-sıra yağıb dayanır. Artıq 9 ildir Bakıdayam. Son iki qışdakı qədər sıx duman görməmişəm. Açığı məni sevindirir də. Aid olduğum yerləri xatırladır sanki. Əvvəllər elə düşünürdüm ki, sadəcə qışı sevirəm. Əslində isə hər fəsildə fərqli bir şeyi sevirmişəm. Qışda soyuğu, yazda yağışı, yayda üzməyi, payız rəngləri. Çünki əvvəllər sadəcə düşünürdüm. Hiss … Tufan var… oxumağa davam et
Sabit yazı
Cümə namazından sonra işə qayıtdım. Nahar etdikdən sonra kitab oxumaq üçün fasiləm var bir az. Yanında çay da pis olmaz deyə düşünürəm. Bu dəfə çayın dəmi hazır idi. Sadəcə süzdüm gəldim. İlahi necə möhtəşəm dadır. Ya əhvalım yerindədir, ya da çay çox qəşəngdir. Dadlı çay özü qəribə səslənə bilər. İkinci dəfə belə qəşəng ehtimalını nəzərə alıb təzədən çay süzməyə getdim. Çaydan boş idi. Doldurdum, qaynatdım. … Harda dayanım? oxumağa davam et
Sabit yazı
Yazı yazmaq hər zaman insanı komfortunun kənarına çıxaran bir fəaliyyətdir. Ordakı obrazları hiss etmək üçün dərin empatiya bacarığının olması şərtdir. Yaxud da, olmayan şeyləri yazmaq üçün xəyal gücünün genişliyi tələb olunur. Adətən bütün yazarlar müəyyən yaşa çatmış, həyat təcrübəsi olan insanlar haqqında yazırlar. Bu kitabdakı qəhrəmanımız isə 5 yaşında uşaqdır. Bütün şərhləri də elə uşaq öz dilindən verir. Bu qədər içdən hiss edərək oxuduğum son … Şəkər portağalı oxumağa davam et
Sabit yazı
Sosial medianın uşaqlara təsiri Sosial medianın artan rolu gündən-günə dəyişir. Artıq sosial media servisləri təkcə insanlara yox, sosial-siyasi sistemə, iqtisadi münasibətlərə və digər sahələrə güclü təsir edir. Sosial şəbəkələrin insan psixologiyasına göstərdiyi effektlər də akutal məsələdir. Xüsusən, uşaq və yeniyetmələrin psixoloji durumu sosial media vasitələri ilə qarşılıqlı əlaqədədir. Mövzu ilə bağlı uşaq və yeniyetmə psixoloqu Murad Akifsoyla çay söhbəti etdik. AzNews.az həmin müsahibəni təqdim edir. … Sosial medianın uşaqlara təsiri/müsahibə oxumağa davam et
Sabit yazı
İkinci dünya müharibəsindən sonra, istər psixoloji ədəbiyyatda, istər siyasi arenalarda, istərsə də sosial-iqtisadi münasibətlərdə humanistik (insani) yanaşma geniş yayılmağa başladı. Bunun sayəsində insanlar bir-birinə daha tolerant, səbrli olmaqla bərabər sülhün gətirdiyi rifahla həzzlərinə daha çox düşkün bir canlıya çevrildilər. Belə olan halda bu həzzlərin bitməsi isə müasir insan üçün ən böyük faciədir. Bu faciəni gətirəcək olan isə, hamının bir nəfər kimi üzləşəcəyi ölümdür. Yəni bu … Ölmək istəmədiyin yerdə olma! oxumağa davam et
Sabit yazı
Keçən ilin bu günlərində 2020 üçün hesabat tipli blogumu yazmışdım. Bu ildə artıq bütün hesabatlarımı apardıqdan sonra düşünürəm ki, özümə faydalı olan bir neçə punktu qeyd etməyim, sizə də faydalı ola bilər. Tələm-tələsik plan qurmağı sevmirəm. Öncə etdiyim işlərin hesabatını aparmalıyam. Bəli yanvarın 26-sıdır. Mən hesabatımı indi bitirdim. Planlarım haqqında detallı fikirlərim, nəyi harda edəcəyim, nəyə ehtiyacım olduğunu, nəyi həyatımdan çıxarmalı olduğumu indi daha aydın … 2021 – yaxud da “tramplin” oxumağa davam et
Müasir dövrdə yaşlı-cavan, işli-işsiz, kasıb-varlı demədən hər kəs məşğuldur. Təbii ki, hər kəs üçün öz məşğuliyyəti dünyanı qurtaracaq. Elə bu qorxu sayəsində prosesin içindən çıxmaq insanlara kabus kimi görünür. Ona görə öyrəşdikləri vəziyyət çətin də olsa, bir çoxları ümumiyyətlə sorğulamır, digər bir qisim sorğulayır ancaq tərk etməyə qorxur. Nəticədə işini nə qədər çox sevsə də ondan bezmiş insanlar ordusu yaranır. İşini sevmədən edənləri demirəm heç. … 24 saatlıq telefon detoksu oxumağa davam et
Son dövrlərdə qida sektorunda olan yeniliklər, yemək sifarişləri, təqdim olunan təamlar, dəyişən dad seçimi fonunda ortaya çıxan mənzərə odur ki, artıq insanlar “hərkəsləşmə”yə doğru gedir. Hər kəs” fast-food” hansısa növündən asılı olduğunu qürurla olduğu mühitlərdə car çəkir, yerli yaxud milli olan yeməklər isə əksinə xor görülür. Restoranların təqdim etdiklərinə baxsaq mənzərəni tam görə bilərik. Təsəvvür edin milli restorana getmisiniz, indiyə qədər öyrəşmisiniz ki, mədənizin aclıq … Motivasiya sənayesi yaxud beyin “fastfood”u oxumağa davam et
Yanvarın biri il təzələndə sevinən insanlar yəgin ki, nəyə sevindiklərini bilmirdilər. Təkcə bu il yox, hər il bu ritual təkrarlanır. Bəziləri şüurlu şəkildə niyəsini axtarır, başqa bir qrup isə birdəfəlik rədd edir. İndi isə həmin sevinən kəsim bir balaca sorğulamaq üçün vaxt qazanıb. Vaxt indi o qədər çoxdur ki, istirahət etmək istəyirəm deyən adamlar da artıq istirahətdən yorulub. Başqa bir məqam isə aprel ayının özü … Autizm, korona virus və fərdiyyət oxumağa davam et
Artmaqda olan iş və təhsil tələbləri günümüzün insanını halsız edib. Hər ötən gün bir öncəki gündən daha ağır şərtlərlə, daha çox zaman xərcləməklə çalışırıq. Texnologiyanın inkişafı da bir tərəfdən “iş saatı yoxdur” fikrinə doğru yönəlir. İş və dərslərimizdən kənarda qalmaq üçün müəyyən fəaliyyətlərlə məşğul olmaq da yetmir. Çünki bir mesaj və ya zəng bütün istirahət planlarımızı pozmağa bəs edir. Belə olan təqdirdə isə bütün həvəs … Özünə qayğı oxumağa davam et
Murad Akifsoy - uşaq və yeniyetmə psixoloqu 